Булган сумын ЗДТГ "Ахмадад ээлтэй байгууллага" шалгарууулдаг уламжлалыг хэвшүүлээд дөрвөн жил болж байна.
Урьд онуудад гурван удаа энэ хүндэтгэлийг хүлээсэн ХААН банкийг өнөө жил “Ахмадад ээлтэй манлай байгууллага”-аар өргөмжиллөө. 2011 оноос хойш тус банк сумын ахмадын урлагийн наадмыг зохион байгуулахад нийт хоёр сая гаруй төгрөгийн дэмжлэг үзүүлсний дээр ахмадуудад зориулсан бүтээгдэхүүн буюу ажил үйлчилгээгээ мэдээлэн тэднийг өргөнөөр хамруулах, азтаны сугалаагаар урамшуулах, хэвтрийн болон амьдралын хүртээмж муутай айл өрхөд гарын бэлэг хүргэж өгөх зэргээр настан буурлуудад буяны сэтгэлээр хандаж ирсэн юм. Энэ мэтээр ахмадуудад ээлтэй байгууллага нэмэгдэж байна. Тэдгээрийн дундаас настангуудын орон гэрээр очиж үзлэг хийх, үнэгүй эмээр үйлчлэх, нарийн мэргэжлийн эмчийн үзлэгт хамруулах, ахмадуудын насжилтыг сааруулах, хөгшрөлтийг удаашруулах, эрүүл энх аж төрөхөд зориулсан олон ажлыг үлгэр дууриалтайгаар өрнүүлсэн аймгийн эрүүл мэндийн газрыг “Ахмадад ээлтэй байгууллага”-аар, сүүлийн гурван жилд ахмадуудын спортын өдөрлөг, ахмад волейболчдын тэмцээн зохион байгуулахад жил бүр 160-300 мянган төгрөгийн дэмжлэг үзүүлсэн Төрийн банк, худалдааны ALL MART төвийг “Ахмадууддаа хандивлагч байгууллага”-аар тодруулан урамшууллаа.