1946 оны энэ өдөр Токиогийн алсын холбооны технологийн "Токио Цушин Когояа КК" компани үүсгэн байгуулагдсан бөгөөд энэ нь хожмоо бидний сайн мэдэх "Sony" корпораци болон дэлхийд танигдсан юм.Масару Ибука, Акио Морита гэх инженер, физикч мэргэжилтэй хоёр залуу алдарт "Sony"-г үндэслэн байгуулсан бөгөөд 1940-өөд оны Европ, Америкийн цахилгаан хэрэгсэлийн үйлдвэрлэлийг хараад "Тэд хийсэн юм чинь бид ч бас хийж чадна"хэмээн зүтгэсэн нь дэлхийд тэргүүлэх брэнд бий болох эхлэлийг тавьжээ.Анх будаа агшаагч, халаагуур, цахилгаан жижиг хэрэгсэл үйлдвэрлэдэг байсан "Sony" 1960 оноос хагас дамжуулагч телевиз үйлдвэрлэж, барууны орнуудыг шуугиулаад барахгүй нэр хүнд нь General motors, Coca Cola- тай дүйцэхээр болжээ.Сүүлийн үед тус компани камер, тоглоом, гар утас,таблетын салбарт түлхүү ажиллаж байгаа аж.