Сүхбаатар дүүргийн Засаг даргын Тамгын газар, Нийгмийн хөгжлийн хэлтсээс “Уран жиргээ-2015” уран уншлагын наадмыг амжилттай зохион байгууллаа.

Дэлхийн болон Монголын хүүхдийн шилдэг зохиол бүтээлийг хүүхэд багачуудад таниулан сурталчлах, тэдний дунд уран уншлагын урлагийг хөгжүүлэх зорилготой тус наадмын ерөнхий шүүгчээр СУИС-ын ТУС-ийн багш, МУСТА Тайз дэлгэцийн урлагийн тэнхимийн эрхлэгч, МУСТА Б.Даваа, шүүгчээр СУИС-ын ТУС-ийн Тайз дэлгэцийн урлагийн тэнхимийн багш, МУСТА Ж.Болор-Эрдэнэ, СУИС-ын ТУС-ийн Тайз дэлгэцийн урлагийн тэнхимийн багш, МУСТА Г.Энхсайхан нар ажиллав.

28 дахь жилдээ зохион байгуулж буй тус наадамд нийт 145 хүүхэд оролцсоноос цэцэрлэгийн насны ангилалын I байранд нэгдүгээр цэцэрлэгийн Б.Чингүнжав, II байранд 25 дугаар цэцэрлэгийн М.Дөл-Эрдэнэ, III байранд 160 дугаар цэцэрлэгийн Т.Шандасбаяр, тусгай байранд 186-р цэцэрлэгийн Ц.Ариунзаяа нар өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнууллаа. 
Сургуулийн бага насны ангилалын I байранд зургадугаар сургуулийн сурагч Б.Тэнүүн, II байранд 45 дугаар сургуулийн сурагч Э.Эгшиглэн, гутгаар байранд Үй-Цай сургуулийн сурагч Э.Адиша, тусгай байранд 58 дугаар сургуулийн сурагч Л.Өлзийсолонго нар шалгарч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнуулсан юм.
Харин 6-9 дүгээр анги буюу сургуулийн дунд насны ангиллын тэргүүн байранд гуравдугаар сургуулийн сурагч А.Булгантамир, хоёрдугаар байранд 11-р сургуулийн сурагч А.Саранжил, гуравдугаар байранд 71-р сургуулийн сурагч Ж.Лхам, тусгай байранд Сант сургуулийн сурагч Н.Чинбилэг нар тодорч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнуулав.
Сургуулийн ахлах насны ангилалд I байранд 35 дугаар сургуулийн сурагч Х.Сугар, II байранд зургадугаар сургуулийн сурагч Б.Мөнхтуяа, III байранд Сод-Эрдэм сургуулийн сурагч Б.Энхтуул, тусгай байранд 58-р сургуулийн сурагч О.Хандмаа нар тус тус шалгарч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнууллаа. 
Нийслэлийн “Уран жиргээ-2015” наадам энэ сарын 12-ны өдөр Монголын хүүхдийн ордонд болох юм байна.