Өмнөговь аймгийн Даланзадгад суманд энэ оны арванхоёрдугаар сараас “Гүрэмт цахуул” ХХК “Эрхэмсэг говь” ариун цэврийн цаас үйлдвэрлэж эхэлжээ. Үйлдвэрээ эхлээд гурван сарын хугацаанд аймгийн төвийн дэлгүүрээ хангаж байгаагаас гадна Булган, Цогт-Овоо, Цогт-Цэций, Манлай, Баян-Овоо, Хүрмэн суманд ариун цэврийн цаасаа борлуулж байна. “Гүрэмт цахуул” ХХК-ийн захирал Д.Мөнхбат үйлдвэрээ байгуулахаар хэдэн жилийн өмнө БНСУ ажиллаж, энэ хугацаандаа ариун цэврийн цаасны үйлдвэртэй танилцан үйлдвэрээ байгуулах санаагаа олжээ. Ингээд тэрбээр сум хөгжлүүлэх сангаас 30 сая төгрөгийн зээл авч, өөрсдийн хөрөнгөөр нэмэн нийт 70 сая төгрөгөөр үйлдвэрээ байгуулжээ.

Өмнөговь аймагтаа анх удаа ариун цэврийн цаас үйлдвэрлэж байгаагаараа “Гүрэмт цахуул” ХХК анхдагч болж байгаа юм.  Ариун цэврийн цагаан цаасыг БНХАУ-аас оруулж ирж байгаа бөгөөд тус цаасны хувьд ямар ч химийн бодис хэрэглээгүйгээрээ онцлог ажээ. Түүнчлэн гурван давхар, таслагчтай, усанд уусамтайгаа зэргээрээ импортын ариун цэврийн цааснаас дутахааргүй юм. Өдөрт 3000-4000 ширхэг ариун цэврийн цаас үйлдвэрлэх хүчин чадалтайгаас гадна нэг, дөрөв, найман ширхэгээр савлан худалдаанд гаргаж байна. 

Даланзадгад суманд энэ оны арванхоёрдугаар сараас “Гүрэмт цахуул” ХХК “Эрхэмсэг говь” ариун цэврийн цаас үйлдвэрлэж эхэлжээ

Зах зээлд борлуулагдаад удаагүй байгаа ч хэрэглэгчдийн хувьд ам сайтай байгааг дурдсан юм. Одоогийн байдлаар “Гүрэмт цахуул” ХХК гурван ажилчинтай бөгөөд борлуулалт сайжруулбал ажлын байр нэмэгдүүлэх боломжтой гэсэн юм. Тус үйлдвэрийн хувьд хуйлаастай гурван цаасыг төхөөрөмждөө хийн автоматаар 75 мл урттай ороодог ажээ. Ингээд хуйлаад гаргасан цаасаа 95 мл өргөнтэй зүсэж, савлагаанд шилжүүлдэг байна. Тус үйлдвэрийн хувьд савлагааныхаа уутыг Улаанбаатар хотод захиалгаар хийлгүүлдэг гэнэ. Ингээд хоёр, дөрөв, наймаар савласан бүтээгдэхүүнээ борлуулахад бэлэн болдог аж. “Гүрэмт цахуул” ХХК-ийн хувьд аймаг орон нутгаа хангахаас гадна уул уурхайн компаниудад хангахаар зорьж ажиллаж байна. Борлуулалт сайжрах юм бол нойтон, хуурай сальфитак үйлдвэрлэхээр зорьж байгаа юм. 

Өмнөговь аймагтаа анх удаа ариун цэврийн цаас үйлдвэрлэж байгаагаараа “Гүрэмт цахуул” ХХК анхдагч 

Өмнөговь аймаг Даланзадгад сум “Гүрэмт цахуул” ХХК “Эрхэмсэг говь” ариун цэврийн цаасны үйлдвэр холбогдох утас: 88801167, 88825200