Цагдаагийн албаны тухай хуулиар шинэчлэн батлагдсан "ЦАГДААГИЙН ТАНГАРАГ" өргөх ёслолын арга хэмжээ Баянхонгор аймгийн Төр захиргааны ордоны өмнөх "БАГАНАТ" талбайд болж Аймгийн Засаг дарга Д.Жаргалсайхан, болон тусгайлсан чиг үүрэг бүхий байгууллагуудын удирдлагууд, Цагдаагийн газрын ахмадууд, алба хаагч нарын гэр бүл, ард иргэд оролцлов. Энэ үеэр Цагдаагийн Ерөнхий газраас Баянхонгор аймгийн Цагдаагийн газрын дарга, Дэд хурандаа Б.Оюутболдод олгосон Спортын “Нэгдүгээр” зэргийн шагналыг аймгийн Засаг дарга Д.Жаргалсайхан гардуулан өглөө.