Завхан аймгийн ЗДТГ, ССАЖГ, Отгонтэнгэр аялал жуулчлалын холбоотой хамтран Завхан аймгийн аялалын чиг хандлага  сэдэвт зөвлөгөөнийг зохион байгуулжээ.

Уг зөвлөгөөнд аймгийн хэмжээнд аялал жуулчлал эрхэлдэг үйлчилгээний байгууллагууд , ЗДТГ-ын удирдлагууд,  23 сумын засаг дарга нар оролцсон байна.

Зөвлөгөөний үеэр Байгаль орчны газар,  Отгон Тэнгэр , Хяргас нуур Завхан голын захиргаанаас АЖ-ын хууль тогтоол, тусгай хамгаалалтанд орших нутаг дэвсгэрт  аялал жуулчлал эрхлэх журмын тухай  илтгэлүүд тавьсан аж.

Аймгийн ИТХ, ХБХ-ээр дамжуулан аймгийн стратеги, төлөвлөгөө, аялал жуулчлалын маршрут, зам дагуу тохижилт, Отгон Тэнгэр ууланд аялал жуулчлал хөгжүүлэх тухай асуудлуудыг хэлэлцэн дээрх ажлуудыг хийхээр шийдвэрлэжээ.