Говьсүмбэр аймгийн Баялаг бүтээгчдийг дэмжих холбооны салбар хорооны дарга н.Отгонбаяр

Говьсүмбэр аймгаас баялаг бүтээгчдээ төлөөлж шинэ жилийн цэнгүүнд оролцлоо. Хөдөлмөрийн яамны жуух бичгээр шагнуулсандаа баяртай байна. Бидний хийж бүтээж буй үйл хэргийг дэмжиж байгаа та бүгдэд баярлалаа. Манай хамт олон эх орондоо үйлдвэрлэгч байж орлогыг орон нутагтаа, баялгийг эх орондоо гэсэн зорилгыг өмнөө тавин ажиллаж байна. 

Хэнтий аймгийн Баялаг бүтээгчдийг дэмжих холбооны салбар хорооны дарга Д.Сүхбoлд

Хөдөлмөрийн яамны жуух бичгээр шагнуулсандаа баяртай байна. Бидний хөдөлмөр зүтгэлийг төр засаг ийнхүү үнэлж байгаа нь цаашид олон ажил хийх эрч хүч өгч байна. 

Азтан Н.Энхжаргал: Шинэ оны босгон дээр азтан боллоо

Шинэ оны босгон дээр азтан болж савхин дээл хожсондоо маш их баяртай байна. Олон зуун хүнээс ийнхүү азтан болно гэж бодоогүй. 

Азтан Н.Төмөр:Аз ээл авчирсан сайхан жил болох нь гарцаагүй

ЕTV телевизээр арван сая төгрөгийн зар сурталчилгаа явуулах эрх хожлоо. Маш их баяртай байна. Худалдааны үйл ажиллагаа явуулдаг бидний хувьд зар сурталчилгаа гэдэг хамгийн чухал. Ийнхүү азтан болсон нь 2016 он бидэнд аз ивээл авчирсан сайхан жил болох нь гарцаагүй. 

Азтан Э.Энхмаа: Азтан болно гэж төсөөлөөгүй

2016 оны босгон дээр хосоороо гадаадад аялах эрх хожсондоо баяртай байна. Өөрийгөө азтан болно гэж төсөөлөөгүй.  Энэ дашрамд баялаг бүтээгчдийн шинэ жилийг зохион байгуулсан "Масс агентлаг"-ийн хамт олонд баярлалаа.