MASS-MN сайтын нийтлэлчээр Шог зураач Адъяагийн Бат-Эрдэнэ ажиллахаар боллоо. Түүний анхны шог зургийн бүтээл "Эрүүл мэнд" сэтгүүлд сурагч ахуйд нь хэвлэгдсэнээр нийгмийн үзэгдлийг шог зургийн аргаар олонд хүргэх ажилд эргэлт буцалтгүй орсон уран бүтээлч юм.

А.Бат-Эрдэнэ хүүхдийн "Мөөжөө, Жөөжөө", "Соно" зурагт сэтгүүл эрхлэн гаргаж, УИХ-ын гишүүдийн шог зураг бүхий ном, хөзөр, нөхөрсөг шогийн зургаан ном гаргаж Монголын шог зургийн ертөнцөд өөрийн орон зайг баттай эзэлсэн уран бүтээлч юм. Болж бүтэхгүй байгаа бүхнийг өөрийн уран бүтээлдээ чадварлаг тусгадгаас гадна нөхөрсөг шог зургаараа олонд танигдсан уран бүтээлчтэй хамтран ажиллах болсондоо манай хамт олон талархаж байна. Зураач А.Бат-Эрдэнийн бүтээлийг MASS.MN сайтын Зохиогчийн булангаас долоо хоног бүрийн даваа, баасан гаригт үзэж сонирхоорой.