Өнөөдөр Олон улсын хүүхдийн эрхийг хамгаалах өдөр тохиож байна. Энэ өдрийг дэлхийн өнцөг булан бүрт тэмдэглэдэг. Манай улс хүүхдийн баярыг “Олон улсын хүүхдийн эрхийн өдөр” гэдэг бөгөөд 64 дэх жилдээ тэмдэглэж байна.

Чингисийн талбайд хүүхэд багачуудад  зориулсан ёслолын үйл ажиллагаа болсоор ирсэн. Баярын үйл ажиллагаа хүүхэд багачуудын ёслолын жагсаалаар эхэллээ. Урлаг, спорт, уралдаан тэмцээнд амжилт гаргасан хүүхдүүд болон хүүхдийн эрхийг хамгаалах, тэдэнтэй хамтран ажилладаг байгууллагын төлөөлөл өнөөдрийн ёслолын жагсаалд оролцлоо.