Ардын жүжигчин, Төрийн шагналт, хөгжмийн зохиолч Ц.Намсрайжавын төрсөн өдөр маргааш /2016.06.15/ тохиож байна. Хөгжмийн зохиолч Ц.Намсрайжав 1927 оны зургадугаар сарын 15-ны өдөр мэндэлжээ. Энэ жил түүний 89 жилийн ойд зориулан Улсын Филармонийн үе, үеийн уран бүтээлчид, түүний гэр бүлийн гишүүд XX зууны манлай дуу "Халуун элгэн нутаг" дууны хөшөөнд хүндэтгэл үзүүлж, цэцэг өргөх гэнэ.

XX зууны манлай дуу "Халуун элгэн нутаг" дууны хөшөөнд хүндэтгэл үзүүлж, цэцэг өргөнө

Монгол Улсын Соёлын гавьяат зүтгэлтэн Ж.Бадраагийн шүлгээр Ардын жүжигчин, хөгжмийн зохиолч Ц.Намсрайжав энэ дууг зохиож, 1971 онд Төрийн шагнал хүртэж байжээ. “Халуун элгэн нутаг” дууг 1999 онд XX зууны манлай болгосон түүхтэй.