Нийгэмд эерэг, зөв үлгэр дуурайлал үзүүлж чаддагийг харуулж яваа хэсэг найзууд нэгдэн Баянгол дүүрэгт байрлах ЭХЭМҮТ-ийн Чих хамар хоолойн тасгийн нэгж хэсгийг иж бүрэн тохижуулж номын сан болгож өгөхөөр өнгөрсөн 11-р сард “1000 номын аян” төслөө эхлүүлсэн юм. Тэгвэл энэхүү аянд "1900-1950 Мэдээллийн лавлах"- ын хамт олон нэгдэж 100 гаруй ном хандивлалаа.  

Мэдээлэл үйлчилгээний албаны дарга Р.Сонгууль

Сайн байна уу?  "1000 номын аян" сайн үйлсийн аянд нэгдэж буй танай хамт олонд баярлалаа.

Танай хамт олон сайн үйлсийн аянд идэвхтэй нэгдэж чаддаг нийгмийн хариуцлагаа ухамсарласан байгууллага энэ удаагийн номын аянд хэрхэн нэгдэж байна вэ?

“1000 номын аян” сайн үйлсийн аянд манай нийт ажилтан албан хаагчид бүгд идэвхитэй оролцон 100 гаруй ном цуглуулж хандивлалаа. Хүүхдийн эмнэлэгийн өрөөг тохижуулж байгаа гэдэг утгаараа эмнэлэгт хэвтэн эмчлүүлж буй хүүхдүүдээ хичээлийн хоцрогдолд өртөхгүй байгаасай хэмээн хүсэж дийлэнхдээ хүүхдийн сурах бичиг болон уран зохиолын ном хандивласан. "1000 номын аян"-ыг хэрэгжүүлж буй дүү нартаа хамт олныхоо өмнөөс маш их баярлаж буйгаа илэрхийлэхийн ялдамд бид бүхэн бяцхан дүү нартаа 1000 ном цуглартал  үргэлжлүүлэн ном хандивласаар байх болно гэдгээ дамжуулж байна.