Төв аймгийн хэмжээнд үйлдвэрлэл эрхлэгчдээ дэмжсэн бодлогын арга хэмжээг авч хэрэгжүүлэн ажиллаж байгаагийн нэг нь “Хөдөлмөрийн амт-2018” үзэсгэлэн худалдаа юм.

Аймгийн Засаг даргын захирамжийн дагуу 2017 оноос эхлэн жилд 5 удаа үзэсгэлэн худалдаа зохион байгуулагдахаар болсон бөгөөд өнгөрсөн жилийн үзэсгэлэн худалдаагаар баялаг бүтээгчид, үйлдвэрлэл эрхлэгчид 670 гаруй сая төгрөгийн орлого төвлөрүүлсэн байна.
Хөдөлмөрийн амт үзэсгэлэн худалаа нь үйлдвэрлэл эрхлэгчид, баялаг бүтээгчид, аж ахуйн нэгжүүдээ дэмжих, борлуулалтыг нь нэмэгдүүлэх, үйлдвэрлэл эрхлэгчдийн гар дээрээс өөрт хэрэгцээт бараа бүтээгдэхүүнээ шууд худалдан авах боломжтой гэдгээрээ ач холбогдолтой юм.

Жилээс жилд үйлдвэрлэл эрхлэгчдийн бараа бүтээгдэхүүний чанар, өнгө үзэмж сайжирч, нэр төрөл нь олширч байгаа бөгөөд энэ удаагийн үзэсгэлэн Хөрөнгө оруулалтын чуулганы хүрээнд зохион байгуулагдаж байгаагаараа онцлог байлаа.  Хоёр өдрийн турш үргэлжилсэн үзэсгэдэн худалдаанд 18 сумын 50 гаруй баялаг бүтээгч, үйлдвэрлэл эрхлэгчид 80 гаруй төрлийн бараа бүтээгдэхүүнээр оролцож 21 сая төгрөгийн борлуулалт хийжээ.

5, 7, 9 дүгээр сарын үзэсгэлэн худалдаа гадаа талбайд зохион байгуулагддаг учир үүнтэй холбогдуулан Аймгийн зүгээс үйлдвэрлэл эрхлэгчид, иргэддээ зориулан ижил өнгө, хэмжээ, загвар бүхий 27 асарыг хийлгэсэн байна. Энэ үеэр үзэсгэлэнд оролцсон сум, үйлдвэрлэл эрхлэгчид, иргэдэд батламж гардуулах үйл ажиллагаа зохион байгуулагдсан юм.