Энэ онд Хятад Улс эдийн засгийн нээлттэй бодлого явуулсны 40н жилийн ой тохиож байна. Энэ хугацаанд тус улс эдийн засаг, нийгмийн хөгжлөөрөө дэлхийд тэргүүлэх улс болоод буй.

Өөрчлөлт шинэчлэлт хийж нээлттэй бодлого явуулж эхлэх үед буюу 1978 онд тус улсын ДНБ 367 тэрбум юань буюу дэлхийд 10 дугаар байранд орж байсан бол одоо 82 их наяд юань буюу дэлхийд хоёрдугаарт эрэмбэлэгдэж байна.

Мөн 1978 онд дэлхийн эдийн засгийн 1.8 хувийг бүрдүүлдэг байсан бол 224 дахин нэмэгдсэнээр 15 хувь болжээ.

Хятадын ДНБ-ний тухай тоо баримтаас дурдвал:

• 2000 онд ДНБ 10 их наяд юаньд хүрч, Италийг гүйцэж, зургаадугаар байранд орсон.
• 2005 онд ДНБ-ээр Францыг гүйцэж тавдугаарт
• 2006 онд ДНБ нь 20 их наяд юаньд хүрч, Их Британийг гүйцэж, дөрөвдүгээрт
• 2007 онд ДНБ-ээрээ Германыг гүйцэж, гуравдугаарт
• 2008 онд ДНБ нь 30 их наяд юаньд хүрсэн.
• 2010  онд ДНБ нь 40 их наяд юаньд хүрч, Японыг гүйцэж, хоёрдугаарт
• 2012 онд ДНБ нь 50 их наяд юаньд хүрсэн бол 2014 онд 60 их наяд юаньд хүрч, 2016 онд 70 их наяд юаньд, 2017 онд 80 их наяд юанийн босгыг давжээ.