УИХ-ын 2019.05.02-ны өдрийн нэгдсэн хуралдаанаар Авлигатай тэмцэх газрын дарга, дэд даргыг томилж, чөлөөлөх тухай асуудлыг хэлэлцлээ.

МУ-ын Ерөнхийлөгч Х.Баттулгын хүргүүлсэн саналын дагуу дагуу АТГ-ын даргаар З.Дашдаваа, дэд даргаар Ж.Батсайхан нарыг томилох эсэх асуудлыг Хууль зүйн байнгын хороон хуралдаанаар дэмжсэнээр, УИХ-ын өнөөдрийн хуралдаанаар хэлэлцэн, эцэслэн баталлаа. Ийнхүү АТГ-ын даргаар ЦЕГ-ын дэд даргаар ажиллаж байсан З.Дашдавааг, дэд даргаар ШШГЕГ-ын дэд даргаар ажиллаж байсан Ж.Батсайхан нарыг томилогдлоо.

АТГ-ЫН  ДАРГА З.ДАШДАВАА

Овог, нэр: Зандраагийн Дашдаваа

Мэргэжил: Эрх зүйч,  Хууль зүйн ухааны магистр

Боловсрол: 1992-1996 онд Цагдаагийн дээд сургууль, МҮДС Хууль зүйн ухааны магистр

Ажлын туршлага:

• 1995-1996 онд Хэнтий аймгийн Цагдаагийн газарт Эрүүгийн төлөөлөгч;
• 1996-2001 онд Баянгол дүүргийн цагдаагийн хэлтэст  хэрэг бүртгэгч, эрүүгийн төлөөлөгч,
• 2002-2003 онд Эрүүгийн цагдаагийн газарт эрүүгийн төлөөлөгч;
• 2003-2006 онд Говь-Алтай аймгийн Засаг даргын дэргэдэх цагдаагийн хэлтэст  Эрүүгийн тасгийн дарга;
• 2006-2008 онд Сонгинохайрхан дүүргийн Засаг даргын дэргэдэх Цагдаагийн хэлтэст Эрүүгийн тасгийн дарга;
• 2008-2014 онд Цагдаагийн ерөнхий газрын Дотоод хяналт, шалгалт, аюулгүй байдлын  хэлтэст тасгийн дарга, хэлтсийн дарга;
• 2014-2017 онд Хууль сахиулахын их сургуулийн Цагдаагийн сургуулийн захирал;
• 2017 оны 03 дугаар сарын 16-ны өдрөөс Сүхбаатар дүүрэг дэх Цагдаагийн хоёрдугаар  хэлтсийн даргаар тус тус томилогдон ажилласан.
• 2017оны 10 дугаар сараас өнөөдрийг хүртэл Цагдаагийн ерөнхий газрын Дэд даргаар ажиллаж байсан.

АТГ-ын шинэ дарга З.Дашдаваа 2018 оны хөрөнгө оруулгын мэдүүлэгтээ жилийн 100 орчим сая төгрөгийн орлоготой, 47 сая төгрөгийн хадгаламжтай, Хэрлэн Буйлдинг ХХК-д хувь эзэмшдэг,  хоёр орон сууцтай, 113 сая төгрөгөөр үнэлэгдэх автомашинтай, Хурдан удмын адуу болон тодорхой тооны малтай, нэгэн ажээ.

АТГ-ЫН ДЭД ДАРГА Ж.БАТСАЙХАН 

Боловсрол:

• Төв аймгийн Жаргалант сумын дунд сургуулт
• Цагдаагийн дээд сургуулийг Хуульч, эрх зүйч мэргэжлээр төгссөн
• Мөн ОХУ-ын Дотоод явдлын яамны Удирдлагын академид Хууль зүйн ухааны доктор зэрэг хамгаалсан.

Ажилласан байдал:

• 2007-2016 оны хооронд АТГ-т хэлтсийн дарга
• 2016-2017 оны хооронд Шүүхийн Шийдвэр Гүйцэтгэх Ерөнхий Газрын дэд даргаар ажиллаж байсан.