2020 оны Элсэлтийн Ерөнхий Шалгалтын/ЭЕШ/ цахим бүртгэл2020.02.10-ны өдрийн 09:00 цагаас орон даяар эхэлсэн. Бүртгэл 2020 оны дөрөвдүгээр сарын 15-ны 18:00 цаг хүртэл үргэлжилнэ. 

ЭЕШ-нд бүртгүүлэгсэд өөрийн бүх мэдээллийг үнэн зөвөөр бөглөх шаардлагатай бөгөөд энэхүү мэдээллүүдэд тулгуурлан таны дүнг эргэж мэдээлэх, ерөнхий шалгалтын батламж хуудсыг хэвлэх болно. Харин онлайн бүртгэлийн төлбөр тооцоог арилжааны банкны интернэт гүйлгээний эрхтэй төлбөрийн картаар хийнэ.

Энэ жил 12 дугаар анги төгсөх хүүхдүүд Монгол хэл, бичгийн шалгалтад орох эсэхээ сургуулийн захиргаагаараа дамжуулан баталгаажуулах бөгөөд тусгайлан бүртгүүлэх шаардлагагүй. Харин өмнөх онд төгссөн шалгуулагчид заасан хугацаанд Монгол хэл, бичгийн шалгалтад заавал тусгайлан бүртгүүлэх ёстой. Бүртгэлийн хугацааг сунгахгүй, дахин явуулахгүй" гэдгийг албаны хүмүүс сануулсан.

Уг линкээр орж бүртгүүлэх боломжтой: eyesh.eec.mn

ЭЕШ-ын энэ жилийн журамд: Шалгуулагч нь монгол хэл, англи хэл, орос хэл, математик, физик, хими, биологи, газар зүй, Монгол Улсын түүх, нийгмийн тухай мэдлэг хичээлүүдээс 2-оос багагүйг сонгон шалгуулах ёстойг дурдсан байна. Мөн ЭЕШ-ын монгол хэлний хичээлийн шалгалтын агуулгын 25 хувь нь монгол бичгийн чадвар сорьсон даалгавар байхаар тогтжээ.

2020 ОНЫ ЭЛСЭЛТИЙН ЕРӨНХИЙ ШАЛГАЛТЫН ЖУРАМ