Зуслангийн газарт гал гарч байгаа дуудлагаар НОБГ-ын аврах 3 анги яг одоо Чингэлтэй дүүргийн 19 хороонд байрлах Майхан толгой зуслангийн газар гарч байгаа галыг унтраахаар ажиллаж байна. 

Энэ талаар НОБГ-ын гамшгаас урьдчилан сэргийлэх хэлтсийн дарга Г.Нэргүйгээс тодруулахад: Чингэлтэй дүүргийн 19-хороонд байрлах Майхан толгой зуслангийн газарт шар өвс шатааснаас үүдсэн гал гарч НОБГ-ын аврах 3 анги ажиллаж байна. Гал улам газар авч, айлын байшин шатаах аюултай байгаа тул нэмэлтээр 3 анги яваад байгааг хэллээ. 

Цаг агаар дулаарч байгаа энэ үед хуурайшилт ихэсч гал гарах дуудлага ихэсч байна. Тиймээс иргэдийг анхаарал болгоомжтой байхыг НОБГ -аас сануулсаар байна.