Монгол Улс, Бүгд Найрамдах Беларусь Улсын Засгийн газар хоорондын хөнгөлөлттэй зээлийн хүрээнд “Онцгой байдлын албаны гамшигтай тэмцэх техник, тоног төхөөрөмжийн хүчин чадлыг сайжруулах төсөл” хэрэгжиж Гал унтраах, цацраг, химийн ослын үед ашиглах тусгай зориулалттай 71 автомашин нийлүүлэгдэхээс тодорхой тооны машинуудыг Нийслэлийн Онцгой байдлын газарт хуваарилуулж нийслэлийнхээ ард иргэдийн аюулгүй байдал, эд хөрөнгийг авран хамгаалахад ашиглуулахаар болжээ.

Мөн Монгол Улс, Бүгд Найрамдах Франц Улс “Онцгой байдлын албаны гамшигтай тэмцэх техник, тоног төхөөрөмжийн хүчин чадлыг сайжруулах төсөл”-ийн хүрээнд нисгэгч, техникийн ажилтнуудыг бэлтгэж, 3 нисдэг тэрэг нийлүүлэхээр төлөвлөж байгааг Нийслэлийн хотын захирагч мэдээллээ. 

Нийслэлээс хотын төвд нисдэг тэрэг буулгах газар, талбайн талаар холбогдох байгууллагын төлөөлөл оролцсон ажлын хэсэг гарч судалгаа хийж байгаа аж.