Хорватын шигшээ болон “Реал”-ын хагас хамгаалагч Лука Модрич ДАШТ-ийг тэсэн ядан хүлээж буйгаа өгүүлжээ. Тэрбээр баг нь нээлтийн тоглолтод Бразилд хожигдохгүй байх боломжтой, цаашлаад хасагдах шатанд шалгарах зорилготой гэжээ. “Аваргуудын лигт түрүүлсний дараа надад хэд хоног амрах чөлөө олгосон ч сэтгэл санаа минь энд байлаа. Бушуухан шигшээтэйгээ нэгдэхийг л хүссэн. Өнгөрсөн “Евро 2012”-оор бид муугүй тоглосон ч жаахан аз дутсан. Харин ДАШТ-ий урьдчилсан тоглолтод бидэнд асуудал тулгарсан ч яван чангарсаар зорилгодоо хүрсэн. Нээлтийн тоглолтод бид талбайн эзэдтэй тоглох ч хожигдохгүй байх боломжтой. Манай багийн гол зорилго бол плей-оффт шалгарах” хэмээн Goal.com-ын сурвалжлагчид өгсөн ярилцлагадаа дурдсан байна.