Улаанбаатар хотын гудамж, талбайн энд тэндгүй та графит зургийг хардаг. Зарим зургийн хувьд тухайн гудамжийг чимсэн байдаг билээ. Тэгвэл Улаанбаатар хотын Захирагчийн ажлын албаны санаачилгаар СУИС-ийн Дүрслэх урлагийн их сургуулийн оюутнууд баг болон явган хүний зам дээр 3D зураг зурж байгаа гэнэ. Үүний нэг болох Цаг уур орчны шинжилгээний газрын явган хүний зам дагуу хавцлаас гол урсаж байгаа зургийг зурж байсан ДУДС-ийн багш Н.Цэгмид, оюутан Б.Жанживдорж нартай тааралдсан юм. Тэд "Зам гараад ирж байгаа иргэд уран зураг харснаар сэтгэл санаа нь сэргэж, санаа зовоосон зүйлээ түр ч гэсэн мартах боломжтой. Гадны оронд иймэрхий байдлаар иргэдийг бага ч боловч стрессийг нь багасгадаг" хэмээсэн юм. ДУДС-ийн оюутнууд ерөнхий боловсролын V сургуулийн замд ном хэлбэрийн зураг зурсан бол Хүүхдийн урлан бүтээх төвийн зам дагуу морин хуур тоглож байгаа хүнийг дүрсэлсэн гэнэ.