ХӨСҮТ-ийн захирал асан Д.Нямхүү өнгөрсөн хоёрдугаар сард ажилд эргүүлэн томилуулах нэхэмжлэлийг Сүхбаатар дүүргийн Иргэний хэргийн анхан шатны шүүхэд гаргасан. Сүхбаатар дүүргийн иргэний хэргийн анхан шатны шүүх өчигдөр Д.Нямхүүгийн нэхэмжлэлтэй, ЭМЯ-нд холбогдох хэргийг хэлэлцлээ.
Улмаар хариуцагч талаас шинэ төлөөлөгч нэмж томилсон, хэргийн материалтай танилцах хүсэлтийг гаргасан учраас шүүх хурлыг зургадугаар сарын 11-ний өдрийн 11.00 цаг хүртэл хойшлуулах шийдвэр гарлаа.