Боловсрол шинжлэх ухааны яамны сурагчийн хоол үйлдвэрлэлийн хэлтсээс цахим сургалт зохион байгуулж, сургалтад аймаг, нийслэлийн боловсрол соёл урлагийн газрын мэргэжилтнүүд, төрийн болон төрийн бус өмчийн сургууль, цэцэрлэг, дотуур байрны тогооч, нярав зэрэг 5500 гаруй хүн хамрагдлаа. Сургалтын үеэр сургууль, цэцэрлэгийн хоолны газрын зохион байгуулалтын онцлог, тавигдах шаардлага, хоолны технологийн карт боловсруулах, илчлэг тооцох аргачлал, хүнсний түүхий эдийн анхан шатны боловсруулалт, хүнсний харшил, тусгай хэрэгцээт хүүхдийн хоол хүнс, тогооч мэргэжлийн түвшин ба үнэлгээний зарчим зэрэг илтгэл тавьж, мэдээлэл өглөө. 

 

 Энэ намар бага ангийн сурагчдад үдийн хоол өгч эхэлнэ. Цаашид дунд, ахлах ангийнхан ч үдийн хоол хөтөлбөрт хамрагдаж эхлэх юм байна.