Б.Батчимэг
Сэтгүүлч
Нийгэм
2021.06.10 18:02
1155
И-СПОРТООР ДЭЛХИЙН ТАВЦАНД ТАНИГДСАН ZEUS БАГ

И-спорт бол дижитал эрин үеийн салшгүй нэг хэсэг. Харин PUBG MOBILE бол дижитал эрин үеийн тэргүүлэгч мобайл тоглоомуудын нэг юм. Энэ жилийн хувьд дэлхийн аваргын тэмцээнд Монголын баг дэлхий нийтийг цочроосон өндөр үр дүн үзүүлсэн билээ. ZEUS баг нь дэлхийн тавцанд нэрээ дуурсгаж олон улсын тэмцээнүүдэд амжилттай оролцсоор байна.

И-спорт нь суурин компьютероос тоглоомын консул хүртэл бүх насны хүмүүсийн дунд түгээмэл хэрэглээ болж ирсэн бөгөөд и-спортын хамгийн сүүлийн чиг хандлага нь гар утсан дээрх тоглоом юм. Гар утасны тоглоомууд дундаас дэлхий даяар шуугиан дэгдээсэн тоглоомын нэг бол яахын аргагүй PUBG MOBILE. Энэхүү тоглоом нь 100 хүртэлх тоглогчдыг алслагдсан аралд тулаанд дууддаг. Тоглогчид зэвсэг, хангамж цуглуулж, тэр ч байтугай тээврийн хэрэгсэл ашиглаж багийн тактикаар тоглодог нь тоглоомыг илүү сонирхолтой болгож өгдөг.

Аварга болох нь тамирчин бүрийн зорилго юм. ZEUS багийн хувьд олон улсын тэмцээнд амжилттай оролцож, PUBG MOBILE GLOBAL CHAMPIONSHIP 2020 (PMGC) дэлхийн аварга шалгаруулах тэмцээнд 3-р байр эзэлсэн бөгөөд тэд удахгүй болох 2021 оны 2021 PUBG MOBILE Pro League (PMPL) Өмнөд Азийн аварга шалгаруулах тэмцээнд оролцох гэж байгааг дуулгахад баяртай байна. PUBG MOBILE и-спорт хөтөлбөр нь 2021 онд $ 14,000,000 долларын шагналын сан санал бий болгож мобайл и-спортын түүхэнд хамгийн өндөр дүнтэй шагналын санг бүрдүүлээд байна.

И-спорт нь хүсэл мөрөөдөлдөө хөтлөгдсөн залуу үеийнхнээс бүрддэг. Тэд бол зүгээр нэг тоглоом сонирхогчид биш тэд бол өөрсдийнхөө зорилгод тэмүүлэгчид юм. ZEUS багийн хувьд дэлхийн шилдэг болох гэсэн мөрөөдөлдөө тэмүүлж яваа 16-25 насны залуучуудаас бүрддэг.

ZEUS баг удахгүй болох 2021 оны PUBG MOBILE Pro League (PMPL) Өмнөд Азийн аварга шалгаруулах тэмцээнд оролцоно. Тэд дэлхийн бусад өрсөлдөгчдийн анхаарлын төвд байж, өрсөлдөгчид нь тэднийг байнга ажиглаж байдаг бөгөөд тэднийг тэмцээний хар морь гэж нэрлэдэг байна. Багийн гишүүдийн найз нөхөд, гэр бүлийнхэн нь тэднийг мөрөөдлийнхөө хойноос тууштай зүтгэж байгааг дэмжиж байгаа нь талархууштай. Дэлхийн аваргын 3-р байр эзэлсэн ZEUS багийн тамирчдад Азийн аваргын төлөөх тоглолтод нь өндөр амжилт хүсэн ерөөе.