Засгийн газар
2021.07.02 12:58
2278АЛТАНБУЛАГ БООМТЫН ҮЙЛ АЖИЛЛАГААГ 07-Р САРЫН 31 ХҮРТЭЛ ТҮР ЗОГСООЛОО
Өнөөдөр /2021.07.01/ ЗГ-ын ээлжит бус хуралдаан 10:00 цагт эхэлж, зургаан асуудал хэлэлцлээ.
УОК-ын өчигдрийн /2021.06.30/ хуралдаанаас гаргасан 2021 оны долоодугаар сарын 11-13-ны өдрүүдэд цахимаар зохион байгуулах Үндэсний их баяр наадмыг хойшлуулах саналыг хэлэлцэж, Үндэсний их баяр наадмыг ирэх жил хүртэл жилээр хойшлуулж, ес хоногийн амралтыг хэвээр үлдээх шийдвэр гаргалаа.
ЭМЯ болон Эрдэмтдийн зөвлөлийн дүгнэлтээр наадам зохион байгуулбал 12,000 хүний бөөгнөрөл үүсэж, 3000 орчим хүн халдвар авах магадлалтай байгаа тул Засгийн газар бүтэн жилээр хойшлууллаа.
Энэ шийдвэр мөн орон нутагт хамааралтай.
Харин дэлхий дахинд цар тахлын вирусийн мутацилагдсан хувилбар хурдтай тархаж байгаатай холбоотойгоор Алтанбулаг боомтын зорчигч тээврийн урсгалыг өнөөдрөөс долдугаар сарын 31-нийг дуустал түр зогсоохоор шийдвэрлэсэнийг Ерөнхий сайдын хэвлэлийн төлөөлөгч Ч.Болортуяа өглөө. Ачаа тээврийн урсгал хэвийн үргэлжлэнэ.
