Б.Нарангоо
Ерөнхий редактор
Нийгэм
2021.07.21 13:17
4448
ETV HD телевизийн гүйцэтгэх захирлаар О.Ганбилэг томилогдлоо

ETV HD телевизийн гүйцэтгэх захирлын үүрэг гүйцэтгэгчээр О.Ганбилэгийг телевизийн  уран бүтээлч, ажиллагсдын  100 хувийн саналаар томиллоо. 

О.Ганбилэг нь 2013 оноос  эхлэн ETV HD телевизийн маркетингийн менежерээр ажиллахдаа Масс агентлаг болон ETV HD телевизээс хэрэгжүүлсэн олон улсын болоод дотоодын контент, төсөл хөтөлбөрүүд дээр амжилттай ажиллаж байсан туршлагатай юм. Гүйцэтгэх захирлыг тэрээр энэ он дуустал гүйцэтгэх юм.

Төгссөн сургууль:

  • 2010 онд АНУ-д хэлний бэлтгэл
  • 2013 онд ХААИС-Эдийн засаг бизнесийн сургууль-Бизнес менежмент
  • 2021 онд СЭЗИС-Магистр-Санхүү менежмент мэргэжил
  • 2021 оноос МУЭИС-д Бизнесийн удирдлагын чиглэлээр докторантурт суралцаж байна. 

Ажлын туршлага:  

  • 2013 оноос эхлэн ETV HD телевизэд Fifa 2014 ДАШТ төсөл
  • Инчон 2014 Азийн олимп
  • 2020 онд “Их Монгол наадам” теле онлайн наадам төсөл
  • 2021 он Токио 2020 зуны олимп

ETV HD телевизийн мэдээний албаны даргаар  ДАШМЯГМАР овогтой АЛТАНХҮҮ-г томиллоо

Д.Алтанхүү нь 2010 оноос эхлэн өнөөдрийг хүртэл телевизийн салбарт мэргэжлийн өндөр ёс зүйтэйгээр улс төрийн мэдээ сурвалжлага, тойм хөтөлбөр, чөлөөт нэвтрүүлэг зэргийг гүйцэтгэж өндөр бүтээмжтэй ажиллаж ирсэн чадварлаг сэтгүүлч юм. 

Шинээр томилогдсон удирдлагуудын цаашдын ажилд нь амжилт хүсье.

Шинэ удирдлагатай болсон ETV HD телевизийн хамт олон дараагийн төсөл хөтөлбөрөө хэрэгжүүлэхээр ханцуй шамлан оржээ. Энэ сарын 23-нд нээлтээ хийх  Токио-2020 зуны олимпын наадмыг   ETV HD телевиз нь шууд дамжуулахаар бэлтгэл ажлаа хангаад байна. 

Токио 2020 олимпыг эдгээр 13 өргөн нэвтрүүлгийн телевиз шууд дамжуулна. Үүн дотроос ETV HD телевиз нь чөлөөт бөх, гольф, воллейбол, усанд сэлэлт зэрэг тэмцээнийг хуваарийн дагуу шууд дамжуулан үзэгчдэд хүргэнэ.