"Олон талт хамтын ойлголтыг хамгаалах", "Бодит үйл ажиллагаанд анхаарлаа хандуулах", "Ногоон өөрчлөлтийг түргэтгэх"-Уур амьсгалын өөрчлөлттэй хэрхэн тэмцэх талаар Хятад улсын дарга Ши Жиньпин 1-ний өдөр “НҮБ-ын Уур амьсгалын өөрчлөлтийн тухай суурь конвенц”-ийн гэрээ байгуулагч талуудын 26-р хурлын (COP26) дэлхийн удирдагчдын дээд хэмжээний чуулга уулзалтад бичгээр илтгэл тавьж, дээрх гурван саналыг дэвшүүлсэн юм. Эдгээр саналууд нь Ромд болсон "Их 20"-ийн дээд хэмжээний уулзалтын үеэр Ши Жиньпин даргын дэвшүүлсэн саналуудтай нийцэж, дэлхийн уур амьсгалын засаглалд дахин мэргэн ухаан оруулж, хүн төрөлхтний өмнө тулгарч буй цаг уурын асуудлыг шийдвэрлэх чиглэлийг зааж өгсөн юм.

Гадаад ертөнцийг гайхшруулсан зүйл бол Хятадын төлөвлөгөөнд "үйл ажиллагаа" гэсэн түлхүүр үг болсон байна. "Олон улсын хамтын нийгэмлэг сорилт бэрхшээлийг даван туулахын тулд хамтран ажиллах хүсэл эрмэлзэл нь байнга нэмэгдэж байна. Хамгийн гол нь бодит үйл ажиллагаа авах явдал юм." "Үйл ажиллагаа нь алсын харааг бодитой болгож чадна"......Хятад улс олон хоног дараалан олон улсын тавцанд ийм уриалга гаргаж байгаагийн хамгийн шууд шалтгаан нь дэлхий нийт цаг уурын өөрчлөлтийн эсрэг яаралтай хариу арга хэмжээ авах шаардлага шат өгсөж байгаагаас болсон юм.

"Олон талт үзэл бол сайн жор"---Дарга Ши Жиньпингийн санал нь дэлхийн уур амьсгалын өөрчлөлтийн эсрэг хариу арга хэмжээ авах удирдамж болсон байна. Үүний тулд бүх талууд "Нэгдсэн Үндэстний Байгууллагын Уур амьсгалын өөрчлөлтийн суурь конвенци" болон "Парисын хэлэлцээр"-ийг даган мөрдөж, "нийтлэг боловч ялгаатай үүрэг хариуцлага"-ыг баримталж, ялангуяа хөгжингүй орнууд илүү ихийг хийх ёстой бөгөөд хөгжиж буй орнуудад нэн их дэмжлэг үзүүлэх хэрэгтэй.

Уур амьсгалын өөрчлөлтийг шийдвэрлэх нь дэлхий нийтийн тулгамдсан асуудал бөгөөд дэлхийн хэмжээнд арга хэмжээ авахыг шаардаж байна.