Б.Батчимэг
Улс төр мэдээллийн албаны ахлах сэтгүүлч
Нийгэм
2022.01.06 09:52
14595
"Мэргэжлийн нэгдсэн холбоодын зөвлөлөөс гарсан санал санаачлагыг төрийн бодлого шийдвэрт тусгахад хамтран ажиллана"

ШӨХТГ-ын дэргэд байгуулагдсан Мэргэжлийн нэгдсэн холбоодын зөвлөлийн АНХДУГААР ФОРУМ 2022 оны нэгдүгээр сарын 6-ны өдөр Улаанбаатар хотноо эхэллээ.

Уг форум нь ЖДҮҮ эрхлэгчдэд нэн тулгамддаг асуудлуудыг холбогдох албан тушаалтнуудад уламжлах мөн Засгийн газраас хэрэгжүүлэх гэж буй "Шинэ сэргэлтийн бодлого"-оор дамжуулж асуудлаа шийдвэрлүүлэх зорилготой билээ.

Үүнд: 

- Стандартыг цөөлөх 

- Төр давхардсан чиг үүргийг болих

- Батламжийг бүрэн болиулах 

- Хяналтын нэг байгууллагатай болох 

Шинэ сэргэлтийн бодлогыг дэмжих зэрэг өргөн хүрээний асуудлуудыг хэлэлцэх юм.

АНХДУГААР ФОРУМ-д Төрийн арван байгууллага, 120 гаруй ТББ-ын төлөөлөл оролцож байгаа бол ФОРУМ-ыг Монгол улсын Шадар сайд С.Амарсайхан  нээж үг хэллээ. 

Тэрээр хэлсэн үгэндээ "Улс орныхоо эдийн  засгийг хөдөлгөх хүч болсон, Үндэсний үйлдвэрлэгч, ЖДҮҮ эрхлэгчдийн төлөөлөл болсон Анхдугаар Форумд оролцож буй та бүхэндээ энэ өдрийн мэндийг хүргэе.

Бүтэн 2 жил үргэлжилж буй цар тахал дэлхийн улс орны эдийн засаг, хилийн боомтын үйл ажиллагаанд хүндрэл учруулах, үнийн хөөрөгдөл гэх мэт олон асуудлуудыг үүсгэж байгаа билээ. Урьд өмнө нь хүндрэл тохиож байгаагүй далайн тээвэр гэх мэт бүхий л салбарт хүндрэл  учирч нэлээдгүй хүнд цаг хугацааг даван туулж байна. Өөрөөр хэлбэл далайн боомтууд бүтэн сарын хугацааны дараа бараа таваараа авах гэх мэт, үүнээс шалтгаалан үнэ өсөх гэх мэт зүйлс тохиож  байгаа билээ.

Үүнд төрийн зүгээс цар тахлын үе төдийгүй энгийн үед ч бизнес эрхлэгчиддээ дарамт учруулахгүй байх боломж бололцоог нээж, товчхондоо бизнесийнх нь эрх чөлөөг олгох ажлыг эрчимтэй эхлүүлж байгаа билээ. Төр бүх зүйлд оролцож, бүх зүйлийг нь амжуулна гэж явсаар байтал төрийн үйл ажиллагааны хүнд суртал, авилга хээл хахууль гаарлаа. Манай засгийн газар холбогдох хууль тогтоомжиндоо өөрчлөлт оруулж мэргэжлийн ажлыг мэргэжлийн байгууллагаар нь хийлгэе гэдэг бодлого баримталж байна. Эдийн засгаа сэргээж эрүүл мэндээ хамгаалах асуудлыг зэрэг авч явж аль болох дотооддоо үйл ажиллагаа хэвийн авч явуулахаар зорин ажиллаж байна.

Мэдээж өнгөрсөн хугацаанд нөхцөл байдал хүнд байсан. Одоо ч хүнд хэвээр байсаар л байна. Гэхдээ аливаа салбарыг хаах гэх мэт хөл хорионы бодлогыг баримтлалгүй, дасан зохицож, өөрсдийгөө өмгөөлж, харилцан бие биенээ дэмжин ажиллахаар зорьж байна. Засгийн газраас 6 том зорилт тавиад буй. 

Шударга өрсөлдөөн хэрэглэгчдийн төлөө газрын дэргэд байгуулагдсан зөвлөлийн энэхүү анхдугаар форумаар хэлэлцсэн асуудлыг Шадар сайдын  хувьд төрийн бодлого шийдвэрт тусгахад нээлттэй хамтарч ажиллана гэдгээ илэрхийлье"  гэлээ.