2022 оны нэгдүгээр сарын байдлаар улсын хэмжээнд бэлгийн замаар дамжих халдварт өвчний 741 тохиолдол бүртгэгдсэн нь нийт халдварт өвчний 0.5 хувийг эзэлжээ.Бэлгийн замаар дамжих халдварт өвчний 32.7% тэмбүү, 37.9% заг хүйтэн, 29.3% трихомониаз, 0.1% нь ХДХВ/ДОХ байна.

Гэтэл бэлгийн замаар дамжих халдвар авсан иргэд эмнэлэгт хандалгүй удаан хугацаанд явж хүндрүүлэх нь их байдаг. Зарим нь эмнэлэгт хандахаас зайлсхийдэг. Тэгвэл ийм асуудалтай хүмүүс өөрт тулгамдсан асуудлаа хэрхэн шийдвэрлэхээ мэдэхгүй байгаа бол 72779090 утсанд хандан мэргэжлийн эмчээс мэдээлэл зөвлөгөө авах боломжтой. ХӨСҮТ Улаан Тууз эмнэлэг таны нууцыг чандлан хадгална хэмээн Эрүүл мэндийг дэмжих, өвчлөлөөс урьдчилан сэргийлэх албанаас мэдээлэлээ. Зөвлөгөө өгөх утас Даваа-Баасан 8:30-16:00 цагийн хооронд ажиллах юм байна.