Өнөөдөр цахим орчинд хүүхэд гэртээ үймүүлэхэд хөрш айл нь дуудлага өгсөн гэх утга бүхий тайлбартай дээрх зураг цацагдсан. Уг мэдээлэлд ЦЕГ-аас тайлбар өглөө.

ЦЕГ:  "Содон хорооллын оршин суугчаас 2022 оны 03 дугаар сарын 01-ний өдөр 22 цаг 13 минутад ирүүлсэн “дугаар тоотын айлд согтуу хүн агсам тавиад байна” гэх дуудлага мэдээллийн дагуу Сонгинохайрхан дүүрэг дэх цагдаагийн газрын хоёрдугаар хэлтсийн алба хаагчид очиж шалгасан.

Тухайн хаягт бага насны хүүхэд тоглож байсан тул бусдын амгалан тайван байдлыг алдагдуулахгүй байх талаар эцэг эхэд нь зөвлөгөө өгч шийдвэрлэсэн ба торгуулийн арга хэмжээ аваагүй" гэлээ.