Б.Нарангоо
Ерөнхий редактор
Нийгэм
2022.04.15 10:32
2109
Усан парк нэртэйгээр барилгын ажил эхлүүлсэн "Эм Энд Жи констракшн" ХХК-ны эрх цуцлах хүсэлт хотын дарга Д.Сумъяабазарт хүргүүлжээ

БОАЖ-ын сайд Б.Бат-Эрдэнэ өчигдөр нийслэлийн Засаг дарга бөгөөд Улаанбаатар хотын захирагч Д.Сумъяабазарт зарим нэр бүхий компанийн газар ашиглах эрхийг цуцлах тухай албан бичиг хүргүүлжээ.

Тодруулбал, Хан-Уул дүүргийн 15 дугаар хорооны нутаг дэвсгэрт байрлах нийт 29,094 мкв бүхий уг талбай нь Усны тухай хуулийн 22 дугаар зүйлийн 22.2-т "усны сан бүхий газрын эргээс 50 метрээс доошгүй зайд болон гол мөрний татамд онцгой хамгаалалтын бүс, ус хангамжийн эх үүсвэрээс 100 метрээс доошгүй зайд эрүүл ахуйн бүс тогтооно" гэж заасны дагуу усны сан бүхий газрын онцгой болон энгийн хамгаалалтын бүстэй давхцалтай байгаа юм.

Иймд тус газрын тухай хуулийн 33 дугаар зүйлийн 33.6-д "усны сан бүхий газрын онцгой хамгаалалтын бүс болон ус хангамжийн эх үүсвэрийн эрүүл ахуйн бүсэд иргэн, хуулийн этгээдэд газар ашиглуулах, эзэмшүүлэхийг хориглоно" гэж заасны дагуу Усан парк байгуулахаар үйл ажиллагаа эхлүүлсэн гэх "Эм Энд Жи констракшн" ХХК-ны газар ашиглах эрхийг цуцлах тухай албан бичиг хүргүүлсэн байна.

Энэхүү газар усан парк барих нэрийдлээр газрын зөвшөөрлийг авсан ч барилгын ажил эхэлсэн. Иймээс анх ямар зориулалтаар авсан, тэр дагуу ашиглах хэрэгтэй гэх шаардлагыг зарим УИХ-ын гишүүд тавьж байгаа юм. 

Share on Twitter
LIVE
Топ мэдээ