Засгийн газрын өнөөдрийн хуралдаанаас гаргасан шийдвэрийг танилцуулах үеэр 5-11 настай хүүхдийг коронавирусийн эсрэг вакцинд хэрхэн хамруулах талаар ЭМЯ-ны мэдээллийг танилцууллаа.
Ч.Болортуяа: "Олон нийтийн дунд хүүхдийн вакцинжуулалтыг эцэг, эхээс зөвшөөрөл авахгүйгээр хийж байна гэх ташаа мэдээлэл гараад байна. Энэ талаар ЭМЯ-наас өгч буй тайлбарыг товч танилцуулъя.
2022 оны наймдугаар сарын 1-нээс эхлээд 5-11 настай хүүхдүүдэд коронавирусийн эсрэг дархлаажуулалтын ажлыг эхлүүлнэ. Ингэхдээ зайлшгүй эцэг, эхийн сайн дурын үндсэн дээр буюу эцэг эхийн зөвшөөрлийн хуудсанд үндэслэж вакциныг хийх талаар ЭМЯ-наас мэдээлж байна.
"Эмнэлэгт хэвтэж байгаа хүүхдүүдэд эцэг, эхийн зөвшөөрөлгүйгээр вакцин хийж байна", мөн "Хичээл сургуульд зөвхөн коронавирусийн эсрэг вакцин хийлгэсэн хүүхдүүдийг хамруулна" гэх эдгээр мэдээллүүд ташаа мэдээлэл юм" гэв.