“Парис-2024” олимпын эрхийн оноо олгох “Monnis Mongolia International Challenge-2022” бадминтоны тэмцээн өнөөдөр Спортын төв ордонд эхэллээ. Эхний өдөр урьдчилсан шатны есөн тоглолт явагдахаас долоо дахь тоглолт нь Монголын баг тамирчдын тоглолт юм.

Тэмцээнд оролцохоор 14 орны 120 гаруй тамирчин Монгол улсад хүрэлцэн ирээд байна. БНСУ 25 тамирчинтай ирсэн нь хамгийн том багт тооцогдож байгаа бол Японоос 23 тамирчин иржээ.

Тэмцээн нийт зургаан өдөр үргэлжлэх бөгөөд нээлтийн ёслол маргааш буюу наймдугаар сарын 17-ны 14.00 цагт болно.