Нийгэм
2022.09.16 15:35
943Сургууль, цэцэрлэг орчмын хүнсний худалдааны газруудаас 294 зөрчил илэрчээ
Мэргэжлийн Хяналтын Ерөнхий газраас нийслэлийн 9 дүүргийн Ерөнхий боловсролын сургууль, цэцэрлэгийн ойр орчмын хүнсний худалдааны газруудад 2022 оны 09 дүгээр сарын 05-09-ний өдрүүдэд хяналт шалгалт хийжээ. Шалгалтад 530 худалдааны газар, сүлжээ дэлгүүр, ТҮЦ хамрагдсан байна.
Шалгалтаар 294 зөрчил илрүүлэн 215 буюу 73 хувийг арилгуулжээ. Илэрсэн зөрчлийн 36.9 хувь нь хаяг шошгын шаардлага хангаагүй, жижиглэн савласан газрын хаяг, он, сар, өдөр, цаг, минутыг бичээгүй, шошгын мэдээллийг бүрэн тусгаагүй хүнсний түүхий эд бүтээгдэхүүнийг хүнсний сүлжээнээс татан авалт хийлгүүлэн, албан шаардлага хүргүүлэн ажилласан байна.
Мөн хадгалалтын горим алдагдсан, хугацаа дууссан хүнсний түүхий эд, бүтээгдэхүүнийг байгууллагын дотоод хяналтын журмын дагуу устгуулжээ.
