Чинзоригийн Нэргүй 2021 оны 11-р сарын 24-нд Ховд аймагт төрсөн, 10 сартай. Охины хувьд төрөлхийн хүчилтөрөгчийн дутагдал буюу тархины усжилт-годроцефали гэх оношоор оношлогджээ. 

 

Түүний гэр бүлийн хувьд Ховд аймгаас өнгөрсөн 6-р сард ирж, сайн гэсэн бүх л эмнэлгүүдээр явжээ. Харамсалтай нь монгол улсад эмчлэгдэх боломжгүй гэсэн хариу сонсжээ. Улмаар тэд гадаадын олон эмнэлэг рүү өвчний онош, бичиг баримтаа илгээхэд БНСУ-ын  Сөүлийн эмнэлгээс  охиныг бүрэн эмчлэгдэх  боломжтой гэсэн хариу илгээсэн байна.  Гэвч эмчилгээний зардлаа шийдэж чадахгүй байгаа учраас цаг хугацаа алдаж байгаа аж.

Одоогоор охин ЭХЭМҮТ-ийн хяналтад байгаа бөгөөд өдөр ирэх бүр зовиур нь нэмэгдэж, толгой нь томрох, уйлагнах зэрэг шинж тэмдгүүд илэрсээр байна. Мөн шөнө унтаж чадахгүй байгаа талаар охины ээж хэллээ.