Улс төр
2023.03.27 13:46
4292МАН-ын бүлэг хуралдаж сонгуулийн тухай хуультай холбоотой 5 өөрчлөлтийг УИХ-д өргөн барихаар болов
УИХ дахь МАН-ын бүлгийн өнөөдрийн хуралдаанаар Сонгуулийн тухай хуульд нэмэлт өөрчлөлт оруулах тухай хуулийн төслийг хэлэлцлээ.
Тухайлбал ирэх лхагва гаригт ЗГ-ын саналыг аваад, УИХ-д өргөн барих бэлтгэлийг хангаж байгаа юм байна.
Сонгуулийн тухай хуультай холбоотой 5 өөрчлөлтийг тусгасан байна.
- Сонгуулийг холимог тогтолцоогоор хийхээр өргөн барина. 38/38 буюу 50 хувь нь мажоритар системээр, 50 хувь нь намын жагсаалтаар сонгоно.
- Сонгуулийн зардлыг бууруулах шаардлагатайг иргэд олон нийт онцолдог. Энэ хүрээнд зурагт самбар, шадар туслах зэргүүдийн тоог бууруулна.
- Гадаадад байгаа сонгогчдын саналыг авна.
- Улс төрийн намуудад босго тавина. Босгын хувийг гурван хувьд байлгана.
- Нэр дэвшигчдийн доторх нэг хүйсийн хувь 30-аас доошгүй байна. Одоо мөрдөж байгаа хуульд 20 хувь байгаа бол 10 хувиар нэмнэ.
