Азийн ширээний теннисний холбоо болонМонголын ширээний теннисний холбооноосхамтран Улаанбаатар хотноо Ахмадын Анхдугаар Азийн аварга шалгаруулах тэмцээнийг зохион байгуулж байна.

Энэ сарын 18-наас 23-ны өдрүүдэд үргэлжлэх энэ тэмцээнд 20 орчим орны 500-гаад тамирчин оролцож буй.

Энэ үеэр Дэлхийн ширээний тенниснийхолбооны ерөнхийлөгч (WTTA) Лю Гоу Лян мэндчилгээ хүргүүлснийг уламжиллаа. Мөн Олон улсын олимпийн хорооны тамирчдын зөвлөлийндарга, Солонгосын ширээний теннисний холбооныЕрөнхийлөгч, Афины олимпийн аварга алдарт Ryusing ming тэргүүтэй төлөөлөгчид хүрэлцэн ирж,цаашид Монголын ширээний теннисний холбоотой хамтын ажиллагаагаа өргөжүүлэхээ илэрхийлсэн юм.

Монголын теннисний холбооны ерөнхийлөгч Ц.Гантулга тэмцээнийг нээж үг хэлэхдээ “Монгол Улсад ширээний теннис хөгжөөд 65 дахь жилтэйгээ золгож байна. Ази тивийн ахмадын аварга шалгаруулах тэмцээнийг зохион байгуулах итгэл хүлээлгэсэн Азийн ширээний теннисний холбоонд талархлаа илэрхийлье.

Монголын ширээний теннисний хөгжилд үнэтэй хувь нэмэр оруулах энэхүү тэмцээнийг зохион байгуулахад ивээн тэтгэсэн спонсорууддаа мөн зорин ирсэн зочид төлөөлөгчид, орон орны зочид тамирчдадаа гүн талархал илэрхийлье” гэлээ.

Тэрээр цааш нь хэлэхдээ “Бид ширээний теннисээр дамжуулж, монгол хүний эрүүл мэнд, бие бялдрын өв тэгш хөгжил, ёс суртахуундэерэгээр нөлөөлөхийг эрмэлзэж байна. Энэхүү тэмцээнээр орон орны ахмадууд хурд хүч, авхаалж самбаагаа сорихоос гадна соёлын болон гадаад харилцаа, эдийн  засгийн хамтын ажиллагаанд дэвшил гарч байна.

Миний бие хамтран зүтгэгчдийнхээ хамтаарэнэ спортыг хөгжүүлж, Тив, Дэлхий, Олимпийннаадамд амжилт гаргах том зорилго тээн, алхамалхмаар урагшилж байна. Ямартай ч Монголын Ширээний теннисийн хувьд шат ахисан томоохон арга хэмжээ болж байна.” гэлээ.