Хэнтий аймаг 100 жилийн ойн баяр наадмаараа гүйцэтгэгч компанийн буруутай үйлдлээс болж 12 жил царцсан Хан Хэнтий чуулгын шинэ барилгаа ашиглалтад орууллаа. Энэхүү барилга нь 600 хүний суудалтай, 78 өрөө тасалгаа, 9 жижиг заалтай, эргэдэг тайз, бүрэн хэмжээний тоног төхөөрөмжтэй. Хөгжлийн бэрхшээлтэй иргэдэд зориулсан танхим руу орох налуу шат, тэргэнцэртэй иргэдэд үзвэр үзэх хэсэгтэй юм.