Ардчилсан намын Үндэсний бодлогын хорооны ээлжит бус хуралдаан эхэлэхийн өмнө багагүй хэрүүл шуугиан болоод авлаа. Хурлаар намын дотоод бүтэц, зохион байгуулалтыг өөрчлөх, ҮБХ-ны шинэ бүтцийг танилцуулах зэрэг асуудлыг хэлэлцэх юм.

Энэ үеэр УИХ-ын гишүүн Д.Ганбат хуралтай холбоотой өөрийн байр суурийг илэрхийллээ. 

Д.Ганбат: 2024 оны сонгуулийг сонголтгүй сонгууль болгох гэж байна. МАН-ын ЕНБД Д.Амарбаясгалан, Ерөнхий сайд Л.Оюун-Эрдэнэ нарын ивээл дор АН-ын ҮБХ хуралдах гэж байна.

АН эв түнжинтэй нэр зүүгээд сонгуульд оролцоод ялагдаж болохгүй. Дагуул нам болж, ХҮН намын түвшинд очиж болохгүй.

МАН-д оролцдоггүй зүйл гэж алга. Ардын нам 8 жил ажлаа хийж чадаагүй. Өрсөлдөхүйц намаа дотроос нь будилуулж байна. Улсын дээд шүүхээр хүртэл дамжиж нөлөөлж байна. Хэдэн хүмүүс хүртэл эсэргүүцээд гадаа ирсэн байна.  Улс төрийн намын хурал ийм байж болохгүй" гэв.