Нийгэм
2023.12.13 17:30
1120Петровис, Шунхлай ШТС-ууд "Евро-5" түлшийг хязгаарлалтгүй олгож эхэлжээ
Улаанбаатар хотод Петровис, Шунхлайгийн шатахуун түгээх станцууд "Евро-5" стандартай түлшийг хязгаарлалтгүй олгож эхэлжээ. Евро-5 түлш нь байгаль орчинд ээлтэй, хорт утаа бага ялгаруулдгаараа онцлог юм. Өнөө өглөөний 09:00 цагаас тус хоёр шатахуун түгээх станцууд "Евро-5" стандартай түлш олголт жигдэрлээ.
Мэргэжилтнүүд орчин үеийн автомашинуудад хийхийг санал болгодог стандартад нийцсэн түлшний хэрэглээгээ түлхүү хэрэглэдэг болбол агаарын чанарт эергээр нөлөөлж, автомашины эдэлгээнд сайн нөлөөтэйг нь онцолдог. Ялангуяа өвлийн улиралд хорт утаа бага ялгардаг нь гол давуу тал юм.
Уул уурхай, хүнд үйлдвэрийн сайд Ж.Ганхбаатар "Гурав хоног дугаарлуулаад байсан шатахууны хангамж нийлүүлэлт маргааш гэхэд хэвийн болно" гэж мэдээлсэн. Ямартай ч нэр бүхий шатахууны олголт эргэн сэргэж хэвийн болсон гэх таатай мэдээлэл байна.
