XVII жарны “Хилэнт эх” хэмээх модон луу жилийн Цагаан сарын баярыг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган эрхэлсэн ажилдаа амжилт гаргаж, эх орныхоо хөгжил дэвшилд үнэтэй хувь нэмэр оруулан хүн амынхаа хүнсний манаанд зүтгэж буй хүнс хөдөө аж ахуйн салбарын баялаг бүтээгч, үндэсний үйлдвэрлэгчдэд төрийн дээд одон, медаль хүртээв.

Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр хүнс, хөдөө аж ахуйн салбарын баялаг бүтээгчдэд төрийн дээд одон, медалийг гардуулав. Ёслолын ажиллагаа Туулай жилийн сүүлийн өдөр буюу билэгт сайн Битүүний өдөр Төрийн ордонд болж өндөрлөлөө.

ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР:

• Нийтийн хоол үйлдвэрлэлийн салбарт тасралтгүй 33 жил ажиллаж, хөдөлмөрлөсөн ахмад зүтгэлтэн Давгын Бидааганжид,
• Биокомбинат ТӨААТҮГТ-ын Захирал Доржбатын Ууганбаяр

АЛТАНГАДАС ОДОНГООР:

• “Мөнхийн болор” ХХК-ийн захирал Мандахын Мөнхмагнай,
• “Чандмань” Хүлэмжийн аж ахуйн Агрономич Дамдиндоржийн Гэрэлмаа,
• “Өгөөж Чихэр боов” ХК-ийн Нягтлан бодогч Валеерьнагийн Марина,
• “Өгөөж Чихэр боов” ХК-ийн Худалдагч Чимэдийн Туяасайхан,
• “Усжуулах” хувьцаат компанийн дэд захирал Галсандашийн Жаргалсайхан,
• “Түмэн шувуут” ХК-ийн Нягтлан бодогч Найманжингийн Должинсүрэн,
• Мал аж ахуйн эрдэм шинжилгээний хүрээнлэнгийн Эрдэм шинжилгээний тэргүүлэх ажилтан Пүрэвдоржийн Мягмарсүрэн,
• “Ноён Пицца” компанийн Хүний нөөц, Сургалт хариуцсан менежер Баасандагвын Уртнасан,
• “Грийн групп”-ийн Борлуулагч Бямбадоржийн Отгонбаатар

ХӨДӨЛМӨРИЙН ХҮНДЭТ МЕДАЛИАР:

• “Ноён Пицца” ХХК-ийн Хүргэлтийн касс Түнтүүлийн Цэенцогзолмаа,
• “Ноён Пицца” ХХК-ийн Эрүүл ахуйч, микробиологич Баатарын Цэрэнхүү,
• “Өгөөж Чихэр боов” ХК-ийнТехнологийн ажилтан Бямбын Оюун,
• “Метагро” ХХК-ийн “Метагро” ХХК-ийн Төслийн удирдлагын албаны дарга Дашжилын Мэндсайхан,
• “Түмэн шувуут” ХК-ийн Борлуулагч Магсаржаламын Дариймаа,
• “Витафит ЮүБи” ХХК-ийн Нягтлан бодогч Баасангийн Дэлгэрмаа,

Мөн “Хүнсний хувьсгал” үндэсний хөдөлгөөний хэрэгжилтийн хүрээнд иргэдэд хоол хүнсний зөв, зохистой хэрэглээг түгээн дэлгэрүүлэх үйлст түүчээлэн оролцож буй хэвлэл мэдээллийн салбарынханд төрийн дээд одон медаль гардууллаа. Орон нутгийн телевизүүдийн “Гал хөгжил” холбоо ТББ-ын Тэргүүн Чүлтэмийн Баярсайханыг “Алтангадас” одонгоор, “Билэгт Дөлгөөн” ХХК-ийн Ерөнхий нягтлан бодогч Цолмонгийн Бадамханд, “Хос Масс” ХХК-ийн Ерөнхий менежер Ганболдын Нандин-Эрдэнэ нарыг төрийн дээд “Хөдөлмөрийн хүндэт” медалиар шагналаа.

Хөдөлмөр зүтгэлээ төрдөө үнэлүүлж төрийн дээд цол, одон, медаль хүртсэн эрхмүүдэд болон тэдний гэр бүл, үр хүүхэд, хамт олонд нь баяр хүргэж, сар шинэдээ сайхан шинэлэхийг хүсэн ерөөе.