АНУ-ын BBC агентлаг Ерөнхий сайд асан, УИХ-ын гишүүн С.Батболдын талаар мэдээлэл нийтэлжээ.

Тухайлбал "Монгол Улсын Ерөнхий сайд асан авлигын аргаар Нью-Йорк хотод тансаг зэрэглэлийн хоёр орон сууц худалдаж авсан гэж АНУ-ын эрх баригчид мэдэгдлээ.

Прокурорууд Манхэттен хотын төвд байрлах нийт 14 сая долларын (11 сая фунт стерлинг) үнэтэй үл хөдлөх хөрөнгийг хураахаар оролдож байна. Тэд 2009-2012 онд Ерөнхий сайдаар ажиллаж байсан Сүхбаатарын Батболдыг гэр бүлийнх нь мэдэлд байдаг компанидаа уул уурхайн томоохон гэрээ байгуулсны дараа байр худалдаж авсан гэж үзэж байгаа юм.

Уул уурхай бол Монголын гол салбар. Батболд буруутгаж буйг үгүйсгэж байна. Монголын улс төрч 60 настай ч парламентад суусан хэвээр байна.

"Ноён С.Батболд эдгээр үндэслэлгүй нэхэмжлэлийн эсрэг өөрийгөө өмгөөлөх боломжтой болох шүүх хуралдааныг тэсэн ядан хүлээж байна" гэж түүний өмгөөлөгч Орин Снайдер Ройтерс агентлагт мэдээлсэн байна.

АНУ-ын холбооны прокурорууд түүнийг Төв цэцэрлэгт хүрээлэнгээс хэдхэн блокийн зайд байрлах хоёр орон сууц, Карлтон хаусын нэг байр, Зүүн 61-р гудамжинд нэг блокийн зайд байрлах барилга, The Park Imperial дахь 70 давхар шилэн тэнгэр баганадсан байшин худалдаж авсан гэж мэдэгдсэн гэжээ. 

                                                                                                                                                                                                                                        Эх сурвалж: BBC