Казакстан улсын эдийн засгийн сайд асан Куандык Бишимбаев эхнэрийнхээ амийг олон цаг тасралтгүй зодож, онц хэрцгийгээр хөнөөсөн хэрэг өнгөрсөн оны 11 дүгээр сарын 9-нд болжээ. Тус хэргийн шүүх хурал Казакстан улсад болж байна. Талийгаач бүсгүй Салтанат 31 настайдаа гэр бүлийн хүчирхийллийн золиос болж нас барсан нь гэр бүлийн хүчирхийллийг бие даасан гэмт хэрэг гэж тооцдоггүй Казахстан улсад гэр бүлийн хүчирхийлэлтэй тэмцэхийн тулд илүү их зүйл хийх шаардлагатай гэсэн шинэ уриалгыг төрүүллээ. Талийгаач охины  найзууд "Хосууд танилцаад хэдхэн сарын дараа гэрлэсан. Дараагаас нь зодуулж эхэлсэн. Тэр түүнийг хэн нэгэнтэй харилцахыг зөвшөөрөөгүй" гэж хэллээ. 

Казахстаны эмэгтэйчүүд хүчирхийллээс зохих ёсоор хамгаалж чадаагүйгээс бэртэл гэмтэл авч, Салтанат шиг үхэлд ч хүрэх нь элбэг.“Батарей”, “Бие махбодид санаатай хөнгөн гэмтэл учруулсан” гэмт хэргийг дахин эрүүгийн хариуцлагад татах саналд 150 мянга орчим иргэн гарын үсэг зуржээ.  Энэ хэрэг явдал Казахстан улсын охид бүсгүйчүүдийг цочроож, шүүх хурлын хором бүрийг улсаараа шүүж, бүгд дуу нэгтэйгээр бүсгүйн төлөө тэмцэж босч байна. Шүүхийн шударга бус байдлыг бүгд шүүмжилж, Бишимбаевыг бүх насаар нь хорих ял өгөхгүй бол дүрвэх хөдөлгөөнийг залуучууд зохион байгуулахаа ч мэдэгджээ.