Эмийн үнийн өсөлтийн шалтгаан нөхцлийг хянан шалгах түр хорооны нотлох баримтыг шинжлэх нээлттэй сонсгол өнөөдөр хоёр дахь өдрөө үргэлжилж байна. Сонсголын үеэр УИХ-ын гишүүн Д.Батлут “ Эрүүл мэндийн салбараас цус ойртолтыг эмчлэх цаг болсон. Хамаарал бүхий хүмүүсийн ААН-үүдэд өнгөрсөн таван жилийн хугацаанд ямар хэмжээний давуу байдал тогтоогдсон бэ? Гэх асуултанд УИХ-ын гишүүн Б.Бейсен “Эмийн өсөлттэй холбоотой 41 нэгж байгууллагын 756 албан тушаалтан, 9654 хамаарал бүхий этгээдийг шалгасан. Үүнээс
ЭМЯ-ны 97, ЭМДЕГ-ын 57, Нийслэлийн эрүүл мэндийн газар -18, Эмийн зөвлөл 241, Эрүүл мэндийн даатгалын үндэсний зөвлөл -35, Эрүүл мэндийн даатгалын ерөнхий газар -57, Эмийн зөвлөл 241, ЭМЯ-ны комисс -32, Гаалийн ерөнхий газар -14, Нийслэлийн эрүүл мэндийн газар -18, Төрийн худалдан авах ажиллагааны газар -8, Эрүүл мэндийн төвд 36 гэхчилэн хамаарал бүхий этгээд байна” гэлээ.
Үүнтэй холбоотой УИХ-ын гишүүн Ж.Чинбүрэн эмийн хамаарал бүхий этгээдүүдийг албан ёсоор хууль хүчний байгууллагад шилжүүлж байгааг мэдэгдлээ.