Нийгэм
2024.05.20 12:57
3493Дэлхийн шилдэг эмэгтэй хөрөг зургийн дөрөвт “Хатан” зураг шалгарлаа
Дэлхийн мэргэжлийн гэрэл зураг сонирхогчдын дунд томоохонд тооцогддог “35AWARD”-ын “Эмэгтэй хөрөг шилдэг 100 зураг” /RETRATO FEMENINO 100 BEST SINGLE PHOTO/ төрөлд Монгол улсаас “ХАТАН” зураг шилдэг дөрөвт шалгарлаа. Мөн уг зургийг авсан “Урлан” студийн гэрэл зурагчин Миймаагийн Ганзориг нь шилдэг 100 гэрэл зурагчинд багтсан байна.
“Авьяаслаг Монголчууд”, "Тэнгисийн эрэг 24/7" шоунд оролцож чадварлаг дуу хоолойгоороо танигдсан Б.Ихэрсувд уг зургийн модель болсон юм.
“35AWARDS” нь гэрэл зургийн бүх төрөлд олон улсын мэргэжлийн гэрэл зурагчдын оны шилдэг 100 бүтээлийг онцлох зорилготой. Шилдгүүдийг шалгаруулахдаа гурван үе шаттай санал хураалт явуулдаг бөгөөд нэрс болон таних тэмдгийг сайтар нууцалж хаалттай байдлаар шалгаруулдаг тул үнэлгээ нь хамгийн бодит болдгоороо өндөр нэр хүндтэйд тооцогддог.
2015 оноос хойш амжилттай зохион байгуулагдаж буй энэхүү тэмцээнд 2023 оны уралдаанд 174 орны 111 мянган гэрэл зурагчдын 465 мянган бүтээл оролцжээ.
