Өчигдөр /2024.07.22/ Баянзүрх дүүргийн 20 дугаар хороо Хужир булан орчимд Туул голд 6 настай хүүхэд голын усанд урссан дуудлага мэдээлэл 16:06 цагт бүртгэгдэж Аврах ангийн алба хаагчид эрэн хайх ажиллагааг зохион байгуулан ажиллаж байна.

Нийслэлийн хэмжээнд 2024 оны 07 дугаар сард голын усанд нийт 10 иргэн амь эрсэдсэн байна. /том хүн 7, хүүхэд 3/

Усны ослын шалтгаан нь иргэд архи согтууруулах ундааны зүйл хэтрүүлэн хэрэглэсэн, бага насны хүүхдийг хараа хяналтгүй орхисноос болсон байна.

Сүүлийн өдрүүдэд үргэлжлэн орсон борооны улмаас гол, мөрний усны түвшин нэмэгдсэн тул голын усанд осолдож эрүүл мэнд, амь насаараа хохирох эрсдэлийг дагуулж байна.

- Хүүхдийг голын эрэг дагуу харгалзах хүнгүй явуулахгүй, тоглуулахгүй байх,

- Бага насны хүүхдэд тавих хараа, хяналтаа сайжруулах,

-  Согтууруулах ундаа хэрэглэсэн үед голын усанд орохгүй байх,

- Дуу цахилгаантай аадар бороотой үед үер усны аюулаас сэрэмжтэй байхыг онцгойлон анхааруулж байна.