Нийгэм
2024.09.04 13:06
1011Чансаа өндөр 24 гольфчдын дунд зохион байгуулагдах тэмцээнд Сү.Батболдын хүү Б.Самади багаа ахлан оролцоно
Чансаа өндөр 24 гольфчдын дунд зохион байгуулагддаг "M Cup Team Match Play" тэмцээн энэ сарын 5, 6-ны өдрүүдэд Мт. Богд талбайд болох юм. Тус тэмцээнд "Juveniles" багийн 12 тамирчин оролцоно. Харин “M CUP” баг хоорондын “matchplay” тэмцээн нийт 54 нүхэнд 3 өөр форматаар зохиогдохоор болжээ.
Багын эхний 6 гишүүн 2024 онд WAGR (World Amateur Golf Rankings) оноо олгох тэмцээнүүдэд чансаагаараа тэргүүлсэн тоглогч нар юм. Тийм учраас ямар нэгэн шалгуурт орохгүй шууд тэмцээнд оролцох эрхээ авчээ. Тэдний нэг нь Ерөнхий сайд асан Сү.Батболдын хүү Б.Самади юм.
Тэрээр Туркт болсон Дэлхийн аварга шалгаруулах тэмцээнд эх орноо төлөөлөн оролцож байсан чансаа өндөртэй тамирчин юм. Харин энэ удаад чансаа өндөр 24 гольфчдын дунд зохион байгуулагдах тэмцээнд багаа ахлан оролцох аж.
Харин Vintages багийг Д.Хатанбаатар ахлан оролцоно. Тэрээр мөн л чансаа өндөр тамирчдын нэг юм.
Харин бусад тоглогч нарыг Капитан нар ур чадвар, бэлтгэл хангагдсан эсэх олон шалгуураар дэнслэгдэн сонгожээ.
