Монгол улсад аялал жуулчлалын салбар үүсэж хөгжсөний түүхт 70 жилийн ой, дэлхийн аялал жуулчлалын өдрийг угтан 22 дахь удаагаа зохиогдож буй "ГРАНД ТУР-2024" аялал жуулчлалын Улсын XXII олимпиадын намрын улирлын тэмцээнүүд 2024 оны IX сарын 25-27-ны өдрүүдэд зохион байгуулагдлаа.

Тус олимпиадад 19 их, дээд сургуулийн 500 гаруй оюутнууд 6 төрөлд өрсөлдснөөс нийлбэр дүнгээр Монголын Үндэсний Их Сургуулийн Аялал жуулчлалын салбар сургуулийн оюутнууд тэргүүн байр эзэлжээ.

Монголын Үндэсний Их Сургууль нь өмнө  2009, 2011, 2014, 2015, 2017, 2018, 2019, 2020, 2023 онуудад тэргүүлж байсан ба энэ удаатай нийлээд 10 дахь жилдээ тэргүүлсэн байна. Монголын Үндэсний Их Сургуулийн  зүгээс оюутнуудаа амжилттай сайн бэлтгэн оролцуулсан эрдэмтэн багш нарт болон оюутнууддаа болон талархал илэрхийлж, цаашдын сурлага, хөдөлмөрт амжилт хүсчээ.