Японы бие хамгаалах гайхамшигт урлаг болох Айкидог монголчууд бид мэддэг болоод 30 жил өнгөрчээ. Монголын Айкидо холбоо 1994 онд үүсэн байгуулагдсанаас хойш олон арван хар бүстэй багш, мастерууд, олон зуун шавь нар бэлтгэжээ.

 

30 жилийн ойн хүрээнд Анхны сайн дурын багш ЖАЙКА-ийн сайн дурын гишүүн (1994 оны 2-р ээлж Айкидо багш) Цүжи Ёошиказү 2024оны 5 сард зочлон ирж семинар бэлтгэл хийсэн. Харин энэ удаа Монголын Айкидо Холбоо болон Японы Хомбу дожогоос хамтран зохион байгуулдаг Айкидогийн сургалт, семинарыг энэ сарын 26, 27 өдрүүдэд зохион байгуулах гэж байна. Энэхүү семинарыг Японы Хомбу дожоноос төлөөлж Тэрүмаса Хино багш болон Монголын Айкидо Холбооны тэргүүн Машбатын Алтанбагана багш нар хамтран удирдан явуулах юм. Айкидогийн семинар нь мастер багш нартай бэлтгэл хийх боломжийг бүрдүүлэхээс гадна гурван үндсэн зорилготой.

1-рт Дасгал хөдөлгөөн Хүний биеийн организмд тохирсон дасгал хөдөлгөөнийг Айкидо санал болгодог. Учир нь хүний хөдөлгөөн бие оргизмыг цэвэрлэх, хүч тамир өгөхөд зориулагдсан. Үүнийг системтэй дасгал хөдөлгөөний дусламжтайгаар эрчимжүүлэх боломжтой. 

2-рт Хамт олныг нэгтгэх Айкидогийн үзэл санаа дор шавь, хамт олон бүгд нэгдэж нэгдсэн бэлтгэл сургуулилтыг хийдэг учиртай. Энэ нь илүү сайн туршлага олох боломжийг олгож, Айкидогийн философи, мөн чанарыг ойлгоход маш том түлхэц болдог.

3-рт Багш нарыг бэлтгэх Айкидод багш төвтэй сургалт явагддаг.

Сайн багш сайн шавийг төрүүлдэг учиртай. Иймээс тогтмол дасгал сургуулилт хийснээр түвшин ахих боломжийг олгохоос гадна бие биедээ нөлөөлөх зааж сургах үйл явцын дэмждэг.

 

 

Айкидогоор хичээллэдэг, өмнө нь хичээллэж байсан болон анхлан суралцагчдыг хоёр хоногийн сургалтад хүрэлцэн ирэхийг урьж байна.