Реал Мадрид клубын довтлогч Килиан Мбаппе Францын шигшээд дуудагдалгүй үлдсэн нь ихээхэн шуугиан дагуулаад байна. Францын Пари Сен Жермайн клубээс маш өндөр үнээр Испанид ирсэн дэлхийн аварга Мбаппе шинэ клубтээ нэг л идээшихгүй, урьд өмнөх түвшиндээ хүрч тоглохгүй байгаа юм. Өнөөдөр Мбаппе дэлхийн хамгийн шилдэг, Аваргуудын лигийн 14 удаагийн аварга Реал Мадридад ирсний 100 өдрийн ой тохиож байна. Тэрээр хэдийгээр нэг л үлбэгэр байгаа ч мөдхөн формондоо орж гоолоор бороо оруулж эхэлнэ гэдэгт бүгд итгэж байна. Мбаппе 19 насандаа Орост болсон дэлхийн аваргад түрүүлж, 23 насандаа Катарт хоёрт орж байв. Тэрээр одоо 25 настай.