Америкт яг одоо Талархлын өдөр (Thanksgiving Day) болж байна. Талархлын баярыг Канад, Америк, Либери, Сент-Люсид албан ёсоор тэмдэглэдэг. Энэ жилийн АНУ дахь Талархлын өдөр арваннэгдүгээр сарын 28-нд таарч байна. Америкууд энэ өдөр бүх нийтээр амарч гэр бүл, хамаатан саднаараа цуглаж тансаг зоог барина. Баярын зоогонд нугас, галуу, тахиа голлодог. Энэ удаагийн Талархлын баяр урьд урьдынхаас өргөн дэлгэр болж байгааг ABC News телевиз онцлон мэдээлэв. Том хотуудын замууд түгжирч ихээхэн хүндрэл үүсчээ. Лос-Анжелес хотод орж гарах түгжрэл рекорд тогтоож, 20 минут явдаг газар 2-3 цаг явж байгаа аж.