АНУ-ын Ерөнхийлөгчөөр сонгогдоод байгаа Дональд Трамп Украины дайныг зогсоох бүрэн баталгааг өгч чадахгүй хэмээн мэдэгджээ. Гэвч тэрээр дайн, байлдааныг зогсоохын тулд өөрт байгаа бүх хүч, бололцоогоо дайчилна гэв. Эрх мэдлээ шилжүүлж байгаа Жо Байдений засаг захиргаанаас үзүүлж байсан шиг зэр зэвсгийн тусламжийг Америкийн шинэ захиргаа үзүүлэхгүй гэдгийг Трамп онцлон анхааруулжээ.

АНУ-ын Ерөнхийлөгч Ж.Байден Д.Трампад “муу хөзөр” үлдээж байгаа, Цагаан ордны дараагийн тэргүүн Украины хямралыг зохицуулах гэж нэлээн юм болно хэмээн АНУ-ын зэвсэгт хүчний чөлөөнд гарсан хурандаа Даниел Дэвис ярьжээ. Дональд Трамп Украинд нэн даруй гал зогсоохыг уриалсан ч Ерөнхийлөгч Володимир Зеленский уриалгыг хүлээж авсангүй. Тэрээр “Оростой хэлэлцээ хийж болно. Гэхдээ зөвхөн Путиний дараагийн удирдагчтай хэлэлцээ хийнэ” гэжээ.